मुंबै : दिनांक :- मुंबै-बिंबई,लोकल-बिकल , पाट्या -बिट्या ,टी -शर्ट-बीशर्ट... वगैरे वगैरे सगळंच.

परवाचा हॅन्गओव्हर अजूनहि अधून-मधून,

अजून प्या कच्ची.
१००% हार्डकोअर ,
नोबडी ईज परफेक्ट आयएम नोबडी,
लूजर - बीच,
द हेल वॉज फूल सो एम बॅक,
दूवाओसे बीगडे काम बनते है – शीलाई मशीन,
समस्या दो समाधान लो,
मेरे पास आईये गंजापन भूल जाईये,
भायंदर मे भगंदर का सस्ता ईलाज,
औरत से होगा औरत का ईलाज,
मरीन लाईनला छत्र्यांचा कोलाज,
यू कॅन ब्लिंक नाऊ,

शिर्डीवाले साईबाबा - पु ढी ल स्टेशन दादर,अगला स्टेशन दादर, नेक्स्ट स्टेशन दादर,
६०/६० रुपये मे बीइंग ह्यूमन,
मी अण्णा हजारे आहे च्या टोप्या एकदम गायब,

बीलॉंगींगचा अतीशय कंटाळा येतो…
म्याव म्याव म्याव म्याव,

रीश्ते वहि सोच नई स्टार प्लस प्लस प्लस प्लस,
वन ईज नॉट ईनफ,
बोकुल्या आयएम ट्राइंग ना,
मला कीस हवाय आत्ता…
मला तु्झ्या कुशीत यावंसं वाटतय…,
आय नेव्हर सीन अ ऐस लाईक दॅट,
डॉईंग  डॉईंग  डॉईंग…
बघतोस काय मुजरा कर,
भाईसाब थोडा एडजस्ट करलो ना..
करलो करलो करलो
करा मग तीच्या माय…
तुम्ही  मला अर्ज  द्या मी तुम्हांला नोकरी  देतो…
द्या द्या द्या द्या,
मी दादरकर- मी अमूककर- मी तमूककर
कर कर कर कर.
पाट्या लावा – पाट्या पाट्या पाट्या,

झेंडे  लावा – झेंडे झेंडे झेंडे ,
तुम्ही काहीही म्हणा
करावचं लागतं सगळं,
करा करा करा करा.
मरायचचये एक दिवस,
मरा मरा मरा मरा……

मुंबै : दिनांक :- मुंबै-बिंबई,लोकल-बिकल , पाट्या -बिट्या ,टी -शर्ट-बीशर्ट... वगैरे वगैरे सगळंच.

सचिन ठाकूर ....

मुंबै : दिनांक - पा / ऊ / स .

आठवणी झिरपून यावा 

मौनाला गंधित गहिवर 

मी अबोल, धूप अन दिवा 

अंधार नाचतो नदीवर...

देहाला स्पर्श डसतो

  तू दिलास झांजर वेळी 

 हा चंद्र कलेतून चळतो

       तू अंधाराची पांघर चोळी....

मुंबै : दिनांक - पा / ऊ / स .

सचिन ठाकूर.

मुंबै, दिनांक : पा/ ऊ/ स .

- आणि मग तू  एकदा अचानक हातात `चिरीमिरी' ठेवलस.

पाऊस आला.... मोठा ...

च्याऊ म्याऊ च्याऊ म्याऊ ...

मग तू ओठही दिलेस. 

आणि आपण पाऊस वाटून घेतला.

थेंब न थेंब...

माझ्याकडे तुला द्यायला काहीच नाही.

मग मीच सांडलो. 

कणाकणांनी तुझ्या ओंजळीत.

-तर म्हणे ते.....

तुझ्या शरीराचा किनारा करत माझं गलबत बुडू दिलं त्यात.

तर पुन्हा तू पुखराज घेवून आडवी झालीस .

`` कहां छुपा दि हैं रात तुने 

कहां छुपाये हैं तुने अपने गुलाबी हाथोके थंडे फाये 

कहां हैं तेरे लबो के चेहरे 

कहां हैं तू आज- तू कहां हैं ?

ये मेरे बिस्तर पे कैसा सन्नाटा सो रहा हैं ?''

ए,तुझ्या गल्लीत पाऊस कोसळतोय का? आत्ता?

कि पारवे एकमेकांच्या पंखात चोची खुपसून 

उसवतायेत एकमेकांना ..?

नी तुला ते बघवत नाहीये...

कि उगाचच श्वासांच्या गरम

प्रदक्षिणा सुरु झाल्यात..? आज आणि काल अशी दोन टोकं धरून..?

माझ्या खिडकीच्या बाहेर पाऊस कोसळतोय पण

मला त्याचं दुसरं टोकच सापडतं नाहीये.

नी खिडकीतल्या खिडकीत गलबत नुसतंच डूचमळतय.

एकदम कुठुनतरी दिव्याचा प्रकाश पडला आणि 

माझा पाऊस नागडा दिसायला लागला ...

.

.

.

मुंबै, दिनांक : पा/ ऊ/ स .

- सचिन ठाकूर.

मुंबै, दिनांक : पाऊस

पाउस सकाळीच घेवून आला आठवणींचा ढोल ताशा..

आणि तडतडला, तडफडला. हि वेळ कुठल्याच भावनेच्या चिमटीत पकडून ठेवता आलीच नाही मला कधी.

सगळीकडे लगबग बाप्पाच्या आगमनाची. मला एकदम पुणं आठवलं. 

मुंबै, दिनांक : पाऊस

मुंबै चा प्रसाद

१२ दिवसांचा मलेरिया,

२:३० तास बेशुद्धीचे,

२ दिवस नर्स वेडी,

३ दिवस डॉक्टर ट्राफिकमध्ये,

सगळ्या मित्रांचा छळ,

हा मुंबईचा पहिला प्रसाद.

४ दिवसांची राखी (ह्या वेळी बहिणींसाठी काय घ्यायचं कळलंच नाही.)

१( तासाचा) स्वातंत्र्य दिन,

 आलो तर अण्णांचा उपोषणाचा १० वा दिवस झाला  तरी वेळ  मिळाला नाही.

आता काढूयात वेळ......

मुंबै चा प्रसाद

मुंबै:- दिनांक ?/?/?

मुंबई काहीही झालं तरी

दुसऱ्या क्षणाला चालायला लागते.

थांबत नाही.

पर्याय काये तिच्यापुढे दुसरा......?

मुंबै:- दिनांक ?/?/?

सचिन ठाकूर.

मुंबै:- दिनांक-----

बातम्यावाल्या पोरापोरींचे सुपर फास्ट गुऱ्हाळ, केमेऱ्यांची-बघ्यांची गर्दी, आता पोलिसांच्या गाड्याच गाड्या. काल कुठे होते सगळे?

मेलेल्यांना अमुक अमुक - जखमींना अमुक अमुक , तपास अमुक तमुक सुरु आहे.

ह्या पलीकडे काही होणार नाही.

आपण बसू परत पांढर्यावर काळ करत.

``किती दिवस झाले, चांगला सिनेमा बघून. हल्ली बनवतच नाहीयेत चांगलं काही.''

``रोज काय नवीन बनवू जेवायला? गिळा.''

``सुट्टी मिळत नाहीये''

``सगळ्यांचे भाव वाढलेत''

``जीन्स नको पंजाबी घाल''

``काय हि गर्दी? सगळे इथेच घुसले वाटतं''

``पावसामुळे बाहेर सुद्धा पडता येत नाहीये, तू पुढे हो आलोच''

``बोक्या, कुठेयेस? पोहचलास का? कुठे ? नको. ब्लास्ट झालाय. स्टे फ्री आणेन मी''

``साला , मी पण एक घोटाळा करू म्हणतो, इतके करतात ''

``हृतिक काय दिसलाय पण नाही ''

``निषेध निषेध निषेध ''

``चार टक्के अजून असते, तर चार पैसे कमी लागले असते''

``अजून भारीये बे, काय दिसते एकदम ...''

``कानडा राजा पंढरीचा''

``चलता है क्या? दो दीनसे धंदा खराब साला ''

``गोळ्या घातल्या पाहिजेत सगळ्यांना''

``घंटा..''

``पप्पी दे ना''

``बाबांशी कधी बोलायचं?''

``भाग भाग डी के बोस ''

``सगळे खातात रे ''

``स्कोर काय झाला?''

``अप- डाऊन''

``मागे-पुढे''

``वात. हो नक्की, शुगर पण ''

``मेडिसिन पण महाग, गरिबांनी काय मरायचं?''

``शीला लावा जरा''

``थांब ना, साडेबाराच तर वाजलेत''

........

........

``उद्याच उद्या .......''

.

.

.

मुंबै:- दिनांक-----

सचिन ठाकूर.