"टेल्स फ्रॉम रेबीट होल"

दिवसांच्या रीकाम्या खिशात

खुळखूळवतो आपण, पैसे सोडून

सर्व काही.

समाजबिमाज, प्रेमबिम, माणूसबिणूस,

फिलॉसोफीबिलॉसोफी, राजकारणाबिजकारण,

पोएट्रीबिएट्री, क्लासीकलबिसीकल...

संध्याकाळची वाट बघत.

आणी संध्याकाळी

सोपवतो स्वत:ला,

मेंदू कुरतडणा़र्‍या

हजार अद्रुश्य छिनाल चेहर्‍यांना.

मीटलेच डोळे. लागलीच जर झोप,

तर आईबापाचे चेहरे उपटतात एकदम,

पॉप अप करत.

"Some viruses can not be deleted..."

आणी  Re-boot करावं लागतं स्वत:ला.

                              _स.शां.ठाकूर