१० मिनिटांपूर्वी
कबुतरखाण्याच्या bus stop वर मी उभा.
मी इथे रेंगाळतो. का माहित नाही.
बाजूचा चप्पल वाला मला नेहमी ओळखीचा वाटतो.
रोजचंच सगळं. तीच गर्दी, तसाच ट्राफिक, आवाज, गोंधळ, गडबड सगळंच
पण सुरळीत.
१० मिनिटानंतर,
मी पुढे आलो. लाजरीचा फुटपाथ ओलांडला असेल नसेल ,
एकच मोठा आवाज. आकाशात पक्षांचा सैर भैर गोंगाट.
काय झालं हे कळलंच नाही. मी निवांत. नंतर फाटलीच.
पार हादरून.
ब्लास्ट.
रात्र भर पडणाऱ्या पावसाने तिथले सारे वातावरण आता धुवून टाकले असेल.
१० मी. मी तिथेच अजून रेंगाळलो असतो तर......
मुंबै, दिनांक :- पा / ऊ / स .
सचिन ठाकूर.
No comments:
Post a Comment